REGİONLAR


Şabranlı şagirdlər Ulu Öndərin zəngin irsinin tədris olunduğu açıq dərslərdə fəal iştirak edirlər

Şabran, 6 dekabr, Elxan Yusifli, AZƏRTAC

Dekabrın 1-dən başlayaraq Şabrandakı Heydər Əliyev Mərkəzində Azərbaycan xalqının ümummilli lideri Heydər Əliyevin zəngin irsinin daha dərindən öyrənilməsi məqsədilə açıq tarix dərsləri keçirilir. Ümumtəhsil məktəblərinin yuxarı sinif şagirdləri üçün keçirilən dərslərdə tarix müəllimləri müəyyən olunmuş mövzularda məruzə ilə çıxış edirlər.

AZƏRTAC xəbər verir ki, açıq dərslərdə Şabran rayonunun ümumtəhsil məktəblərində təhsil alan 2000 şagirdin iştirakı nəzərdə tutulub. Şagirdlərə “Ulu öndər Heydər Əliyev müstəqil Azərbaycanın memarı və qurucusudur” və “Ulu öndər Heydər Əliyev müstəqil Azərbaycanının sosial-iqtisadi inkişafının təminatçısıdır” mövzularını əhatə edən dərslər tədris olunur.

Dərslərdən əlavə, Heydər Əliyev Mərkəzinə gələn şagirdlərə Ümummilli Liderin həyat və fəaliyyəti, xalqımız qarşısındakı xidmətləri barədə zəngin məlumatlar verilir. Tədris prosesində şagirdlər, həmçinin Ümummilli Liderin həyat və fəaliyyətinə dair sənədli filmlərə baxırlar.

Açıq dərslər dekabrın 10-dək davam edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.