ELM VƏ TƏHSİL


Şagirdlərin yay olimpiada düşərgəsi təşkil ediləcək

Bakı, 6 iyun, AZƏRTAC 

Azərbaycan Respublikası Təhsil İnstitutu tərəfindən şagirdlərin yay tətilində riyaziyyat, informatika, kimya, fizika və biologiya fənləri üzrə intensiv dərslərdən ibarət yay olimpiada düşərgəsi təşkil ediləcək.

Bakı Şəhəri üzrə Təhsil İdarəsindən AZƏRTAC-a bildiriblər ki, düşərgə iyunun 16-dan iyulun 16-dək fizika, riyaziyyat və informatika təmayüllü liseydə reallaşdırılacaq.

Düşərgədə məşğələlər ilkin olimpiada hazırlıq işini bilən mütəxəssislər tərəfindən aparılacaq.

Yay olimpiada düşərgəsində V-VI və VII-VIII siniflər bir yerdə olmaqla məşğələlər aparılacaq.

Sonda şagirdlər üçün müsabiqə keçiriləcək və yay düşərgəsinin qalibləri müəyyənləşdiriləcək. Həmçinin məktəblilərə əvvəlcədən müəllimlər tərəfindən hazırlanan yay tapşırığı toplusu təqdim ediləcək.

Yay olimpiada düşərgəsində iştirak edən bütün şagirdlərə sertifikatlar veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.