REGİONLAR


Sağlamlıq imkanları məhdud uşaqların fiziki və psixoloji reabilitasiyası müzakirə edilib

Xaçmaz, 30 may, Elxan Yusifli, AZƏRTAC

Xaçmazda sağlamlıq imkanları məhdud uşaqların fiziki və psixoloji reabilitasiyası ilə bağlı məsələlər müzakirə edilib.

AZƏRTAC xəbər verir ki, müzakirələr Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Regional Medianın İnkişafına Yardım” İctimai Birliyi tərəfində həyata keçirilən “Biz birlikdə güclüyük” layihəsi çərçivəsində aparılıb.

Layihə əsasında hazırlanan televiziya proqramında müvafiq dövlət qurumlarının nümayəndələri, bu sahə üzrə ekspertlər, müəllim və valideynlər iştirak ediblər.

Proqramda uşaqların fiziki və psixoloji reabilitasiyası zamanı qarşılaşdıqları problemlər, onların həlli yolları, bu sahədə dövlət tərəfindən görülən işlər haqqında danışılıb. Müzakirələr zamanı ölkəmizdə belə uşaqlara qarşı xüsusi diqqət və qayğı ilə yanaşıldığı vurğulanıb.

Televiziya proqramı ölkənin ilk uşaq kanalı “ARB Günəş”də yayımlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.