İDMAN


“Şahdağ” yeni mövsümün hazırlıqlarına başlayıb

Qusar, 12 iyul, Elxan Yusifli, AZƏRTAC

Futbol üzrə Azərbaycanın I divizionunda mübarizə aparacaq Qusarın “Şahdağ” klubu yeni mövsümün hazırlıqlarına başlayıb.

Klubun vitse-prezidenti Rüstəm Əzimov AZƏRTAC-a bildirib ki, heyətinin əsasını gənc yerli futbolçular təşkil edən kollektiv gələn həftədən Şövkət Orduxanov adına Qusar şəhər stadionunda məşqlərə start verəcək. Komanda qarşıdakı mövsümə baş məşqçi Kamran Əlibabayevin rəhbərliyi altında hazırlaşacaq.

Klub rəsmisi qeyd edib ki, komanda həmişə olduğu kimi çempionatda yüksək yerlərə iddialıdır. İlk məşqlərdən sonra yoldaşlıq oyunları üçün rəqiblər müəyyənləşəcək.

Yeni mövsümdə “Şahdağ” klubu oyun formasını da yeniləyəcək.

Xatırladaq ki, “Şahdağ” ötən mövsümü 9-cu pillədə başa vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.