İQTİSADİYYAT


Şahin Mustafayev: “Cənub Qaz Dəhlizi” layihəsi üzrə işlər qrafik üzrə gedir

Bakı, 8 iyun, Sevda Cəfərova, AZƏRTAC

“Cənub Qaz Dəhlizi” layihəsi üzrə işlər qrafik üzrə gedir. Bu sözləri bu gün Bakıda keçirilən III Avropa İttifaqı–Azərbaycan biznes-forumunda çıxış edən Azərbaycanın iqtisadiyyat naziri Şahin Mustafayev bildirib.

Onun sözlərinə görə, artıq “Cənub Qaz Dəhlizi”nin bir hissəsi olan “Şahdəniz” layihəsinin 93 faizi, Cənubi Qafqaz Boru Kəmərinin Genişləndirilməsi üzrə işlərin 85 faizi, Trans-Anadolu qaz boru xəttinin inşası üzrə işlərinin 72 faizi, Trans-Adriatik qaz kəməri layihəsinin 42 faizi tam yerinə yetirilib.

Nazir bildirib ki, görülən işlər vaxtında təhvil veriləcək: “Bu boru kəməri layihəsinin icrasında Avropa İttifaqı ölkələri ilə sıx əməkdaşlıq edilir. Azərbaycan Avropa İttifaqı ölkələrinin enerji təhlükəsizliyinin təminatında etibarlı tərəfdaşdır”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.