REGİONLAR


Şamaxıda 10 min 200 hektardan çox sahənin taxılı biçilib

Şamaxı, 10 iyul, AZƏRTAC

Şamaxı rayonunda bu ilin məhsulu üçün 22 min 741 hektarda taxıl yetişdirilib və hazırda bu mühüm strateji məhsulun vaxtında və itkisiz yığılması üçün bütün qüvvələr səfərbər edilib.

Rayon Statistika İdarəsindən AZƏRTAC-a bildirilib ki, yetişdirilən məhsulun 14 min 270 hektarı buğda, 8 min 471 hektarı arpadır. Artıq 10 min 202 hektar zəminin taxılı yığılıb, 17 min 608 ton məhsul götürülüb. Biçilən sahələrin çoxu daha tez yetişən arpa zəmiləridir.

Hazırda bütün ərazi vahidlərində biçin kampaniyası sürətlə davam etdirilir. Hər gün sahələrə 35-dək kombayn çıxarılır. Bir sıra ərazilərdə, xüsusilə daha çox taxıl əkilən Göylər (3380 hektar), Qızmeydan (3046 hektar), Çarhan (1600 hektar), Sabir qəsəbə (1550 hektar), Şəhriyar qəsəbə (1500 hektar) və bir sıra digər ərazi vahidlərində məhsul yığımı daha mütəşəkkil aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.