DÜNYA


“Samsung Electronics” yeni “Galaxy Note 7” smartfonlarının satışını dayandırıb

A+ A

Bakı, 2 sentyabr, AZƏRTAC

Cənubi Koreyanın elektron avadanlıqlar istehsalçısı “Samsung Electronics” batareyanın alışması təhlükəsi səbəbindən yeni məhsulu olan “Galaxy Note 7” smartfonlarının satışını dayandırıb. İki həftə ərzində bir milyon ədəddən çox qurğunun satıldığı bildirilir.

AZƏRTAC xarici KİV-lərə istinadla xəbər verir ki, kompaniya smartfonların batareyasının dəyişdiriləcəyini bildirsə də, satışların bərpa olunacağı tarixi dəqiqləşdirməyib.

Xatırladaq ki, “Galaxy Note 7” smartfonları avqustun 19-dan etibarən dünyanın 10 ölkəsində satışa çıxarılmışdı. Elektron avadanlıqların istehsalı ilə məşğul olan “Samsung Electronics” kompaniyasının illik satış həcmi 196 milyard dollar təşkil edir. Mənzil qərargahı Seulda (Cənubi Koreya) yerləşən kompaniyanın 84 ölkədə 319 min əməkdaşı var.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.