DÜNYA


“Samsung Galaxy S8” smartfonunun “Active” versiyası təqdim ediləcək

Bakı, 19 iyul, AZƏRTAC

“Samsung” şirkəti hər il qabaqcıl smartfon modelinin möhkəm korpusa və sudan tam mühafizəyə malik “Active” versiyasını təqdim edir. Son qabaqcıl modellərin də su və toz keçirməz olmasına baxmayaraq, istehsalçı daha yüksək davamlılıqlı qurğulara üstünlük verən istifadəçilər üçün “Active” versiyaları buraxmaqda davam edir. Bu il də istisna olmayacaq və “Galaxy S8 Active” smartfonunun buraxılışı gözlənilir. Nüfuzlu “SamMobile” resursu smartfonun yeni şəklini dərc edərək onun təxmini buraxılış müddətini açıqlayıb.

AZƏRTAC xəbər verir ki, məlumata görə, yeni təsvir bir daha təsdiq edir ki, “Galaxy S8 Active” smartfonu “Galaxy S8”də olduğu kimi, tərəflərinin nisbəti 18:9 və nazik çərçivəli ekranla təchiz edilsə də, əyilmiş kənarlara malik olmayacaq. Bunun düşmə zamanı ekranın sınmaması - daha yüksək möhkəmlilik üçün edildiyi ehtimal olunur.

Texniki xüsusiyyətlər baxımından adi “Galaxy S8” modelinə tam oxşar olacaq “Galaxy S8 Active” 5,8 düym diaqonallı “AMOLED” displey, “Exynos 8895” prosessoru, 4 giqabaytlıq operativ yaddaş və s. ilə təchiz olunacaq. Smartfon sudan “IP68” standartı üzrə mühafizə olunmaqla yanaşı, “MIL-STD-810G” hərbi davamlılıq sertifikatına malik olacaq.

“Galaxy S8 Active” smartfonunun avqustun 1-də təqdim olunacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.