“Samsung” səs köməkçisi “Bixby”nin Çin dili versiyası üzərində işləri başa çatdırır
Bakı, 21 noyabr, AZƏRTAC
Cənubi Koreyanın “Samsung Electronics” şirkəti mobil cihazlar üçün özünün səs köməkçi proqramı olan “Bixby”nin Çin dili versiyası üzərində işləri başa çatdıraraq, noyabrın 30-da istifadəyə verməyi planlaşdırır.
AZƏRTAC yerli mətbuata istinadla xəbər verir ki, “Samsung Electronics” bununla Çin bazarında getdikcə azalan satışını artırmağı hədəfləyib. “Strategy Analytics” şirkətinin hesabatına əsasən, Çin bazarında cari ilin 3-cü rübündə “Samsung”un payı cəmi 2 faiz təşkil edib.
Çin dili Koreya və ingilis dillərindən sonra “Bixby”nin istifadə olunduğu üçüncü dil olacaq. Avqustda proqramın pilot qaydada istifadəsi də uğurlu olub.
Qeyd edək ki, “Bixby” servisi qabaqcıl “Galaxy S8” smartfonu ilə birgə təqdim edilib və əvvəlcə yalnız Koreya Respublikası və ABŞ-da işləyib. Şirkət hazırda ispan və alman dilləri də daxil olmaqla, “Bixby”nin digər dil versiyaları üzərində də çalışır.
Bölmənin digər xəbərləri
