DÜNYA


“Samsung”un mənfəəti 8 illik minimuma enib

A+ A

Bakı, 29 oktyabr, AZƏRTAC

Bu ilin üçüncü rübündə Koreyanın “Samsung” şirkətinin əməliyyat mənfəəti 30 faiz azalaraq 4,57 milyard dollar təşkil edib.

AZƏRTAC “rns.online” saytına istinadən xəbər verir ki, buna səbəb batareyalarında problemlər müəyyən olunmuş “Galaxy Note 7” smartfonlarının geri çağırılması olub.

Şirkətin mobil bölməsində əməliyyat gəlirləri 90 milyon dollar təşkil edib ki, bu da 2008-ci ilin minimumuna bərabərdir.

Bununla belə, bu ilin üçüncü rübündə “Samsung”un gəlirləri 7,5 faiz azalaraq 44 milyard dollar təşkil edib. Mobil bölmədə gəlirlər 15,3 faiz azalaraq 20,29 milyard dollara bərabər olub. Şirkət maliyyə göstəricilərinin, eyni zamanda, mobil bölmənin gəlirlərinin dördüncü rübdə yaxşılaşacağını gözləyir.

Qeyd edək ki, “Samsung” “Galaxy Note 7” qalmaqalından sonra şirkətin 3 milyard dollar itkiyə uğrayacağı gözlənilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.