REGİONLAR


Samux arıçıları bal süzümünə hazırlaşırlar VİDEO

Samux, 19 iyun, Rauf Hacıyev, AZƏRTAC

Samux arıçıları iyunun sonunda bal süzümünə başlayacaqlar.

Rayonun Yuxarı Ağasıbəyli və Aşağı Ağasıbəyli kəndlərinin arıçıları AZƏRTAC-a bildiriblər ki, bu il arı məhsullarında yüksək məhsuldarlıq gözlənilir.

Arıçı Arif Qazıyev deyib ki, ötən illərdə arı ailələrində mövcud olan bir sıra xəstəliklər bu il müşahidə olunmayıb. Çünki arıçılar həmin xəstəliklərin qarşısının alınması üçün daha erkən tədbirlər görüblər.

“Dövlətin kənd təsərrüfatına göstərdiyi diqqət digər bölgələrdə olduğu kimi, Samux rayonunda da bu sahənin inkişafına səbəb olub. Hazırda rayonun bütün əkinəyararlı torpaqlarından istifadə edilir. Bu il ailə-fermer təsərrüfatlarında günəbaxan əkilməsinə üstünlük verilməsi kənd təsərrüfatının digər sahəsi olan arıçılığın da inkişafına səbəb olub”, - deyə Arif Qazıyev qeyd edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.