SİYASƏT


Səfir: İran-Azərbaycan əlaqələri ildən-ilə inkişaf edir

A+ A

Tehran, 17 sentyabr AZƏRTAC

İran-Azərbaycan əlaqələri ildən-ilə inkişaf edir. Hər iki dövlətin birgə həyata keçirdikləri layihələr bunu sübut edir.

Bu sözləri İranın Azərbaycandakı səfiri Möhsün Pakayin “Fars” xəbər agentliyinə verdiyi müsahibədə deyib.

Diplomat nəzərə çatdırıb ki, iki ölkənin dəmir yolları sistemlərini birləşdirəcək Astara(Azərbaycan)-Astara(İran) körpüsünün inşası davam edir və cari ilin sonunda istifadəyə veriləcək. Gələn il isə İranda Qəzvin-Rəşt dəmir yolunun tikintisinə başlanacaq. Bu yol gələcəkdə Azərbaycanın Astara şəhərinə qədər uzanacaq və yüklərin daşınması prosesi asanlaşacaq. Bu dəmir yolu xətti Şimal-Cənub nəqliyyat dəhlizinin əsas hissəsidir və Azərbaycan yolun tikintisinə investisiya yatırmaqda maraqlıdır.

Səfir müsahibəsində onu da bildirib ki, İran Ermənistan-Azərbaycan, Dağlıq Qarabağ münaqişəsinin həllində beynəlxalq prinsipləri əsas tutur və problemin ərazi bütövlüyü çərçivəsində həllinə tərəfdardır. Rəsmi Tehran münaqişənin həllində vasitəçilik etməyə hazırdır.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.