SİYASƏT


Səfir: Ötən gün Türkiyədə yaşanan hadisələr Vətənə xəyanətdir VİDEO

A+ A

Bakı, 16 iyul, AZƏRTAC

Dünən axşam təəssüf ki, Türkiyədə dövlət çevrilişinə cəhd göstərildi. Bu cəhdi göstərən Türkiyə Silahlı Qüvvələri daxilində bir qrup idi. Amma bu, təbii ki, Türkiyə Silahlı Qüvvələrinin bütünlüklə iştirak etdiyi hadisə deyil.

Bu fikirləri Türkiyənin Azərbaycandakı səfiri İsmayıl Alper Coşqun jurnalistlərə müsahibəsində bildirib.

Səfir qeyd edib ki, hadisələr zamanı içərisində xalqın təmsilçilərinin olduğu, Türkiyə demokratiyasının qanuni təzahürünün gerçəkləşdiyi bir məkan – parlament binası bombalandı, digər qurumlar hücumlara məruz qaldı. Qiyamçıların bu hərəkətlərinə tək bir sözlə qiymət vermək olar: Bu, Vətənə xəyanətdir və bu hadisələrin arxasında dayananlara, şübhəsiz ki, ən ağır cəza veriləcək. Türkiyə xalqı bu xəyanətkarlığa qəti şəkildə qarşı çıxdı, ölkəsinə, demokratiyasına sahib çıxdığını nümayiş etdirdi, qətiyyətlə qiyamın qarşısında durdu. Bu hadisələr, həmçinin bir daha sübut etdi ki, Türkiyə dövləti, demokratiyası çox güclüdür. Heç kimin şübhəsi olmasın ki, Türkiyə getdikcə daha da güclənəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.