SİYASƏT


Səfir: Özbəkistan Azərbaycanı Cənubi Qafqazda əsas tərəfdaşı hesab edir

A+ A

Bakı, 26 noyabr, AZƏRTAC

Özbəkistan Azərbaycanı Cənubi Qafqazda əsas tərəfdaşı hesab edir və onunla əməkdaşlığın dərinləşməsinə prioritet əhəmiyyət verir.

AZƏRTAC xəbər verir ki, bunu Özbəkistanın yeni avtomobil brendi olan “RAVON”un Bakıda keçirilən təqdimatında bu ölkənin Azərbaycandakı səfiri Şerzod Fayziyev bildirib.

Özbəkistanlı diplomat deyib: “Son illərdə strateji tərəfdaşlıq səviyyəsinə yüksəlmiş münasibətlərimizin inkişafında keyfiyyətcə yeni mərhələyə şahidi olduq. Şübhəsiz, sıx və etibarlı münasibətlər dərin tarixi köklərə, milli ənənələrin, dil və mədəniyyətin ümumiliyinə və yaxınlığına əsaslanır. İki ölkə arasında siyasi, iqtisadi və mədəni-humanitar sahələrdə əlaqələr fəal inkişaf edir. Bugünkü tədbirin ikitərəfli əməkdaşlıq çərçivəsində ticarət və xidmətlər sahəsində əməkdaşlığın genişləndirilməsi və möhkəmləndirilməsində mühüm bənd olduğunu qeyd etmək sevindiricidir”.

Şerzod Fayziyev vurğulayıb ki, “Uzavtoprom”un məhsulları özünün texniki xüsusiyyətləri, etibarlılığı, keyfiyyəti və qiymət əlçatımlılığı sayəsində Azərbaycanda istehlakçısını tapıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.