CƏMİYYƏT


Səhiyyə Nazirliyi: Dərmanların istifadə təlimatının mətni  Azərbaycan dilində tərtib olunmalıdır VİDEO

A+ A

Bakı, 22 noyabr, AZƏRTAC

Səhiyyə Nazirliyi dərman vasitəsi idxalçılarına və xarici istehsalçı müəssisələrin rəsmi nümayəndəliklərinə xəbərdarlıq edib.

Nazirliyin mətbuat xidmətindən AZƏRTAC-a verilən məlumatda bildirilir ki, “Dərman vasitələri haqqında” Azərbaycan Respublikası Qanununun 11-ci maddəsinə, eləcə də Nazirlər Kabinetinin 2007-ci il 13 iyul tarixli Qərarı ilə təsdiq edilmiş “Dərman vasitələrinin dövlət qeydiyyatına alınması və reyestrinin aparılması Qaydaları”na 10 nömrəli Əlavəyə əsasən, dərman vasitələrinin istifadə təlimatının mətni Azərbaycan dilində və istehlakçı üçün aydın şəkildə tərtib olunmalıdır. Həmçinin “Dərman vasitələri haqqında “ Azərbaycan Respublikası Qanununun 11.2-ci maddəsinə əsasən, dərman vasitələrinin istifadəsi təlimatları Səhiyyə Nazirliyi tərəfindən təsdiq edilir.

Xəbərdarlıqda qeyd edilir ki, istifadə təlimatı istehlakçının dərman vasitəsindən düzgün istifadə etməsi üçün zəruri məlumatları özündə əks etdirən mühüm vasitədir. Təlimatda dərman vasitəsinin istifadəsinə dair göstəriş və əks göstərişlər, digər dərman vasitələri ilə qarşılıqlı təsiri, hamiləlik və laktasiya dövründə istifadəsi, doza həddinin aşılması zamanı yaranan simptomlar və onların müalicəsi, saxlanması qaydaları, yararlılıq müddəti, aptekdən buraxılma şərti (resept əsasında və ya reseptsiz) kimi düzgün davranış qaydalarını müəyyən edən məlumatlar öz əksini tapır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.