CƏMİYYƏT
Səhiyyə Nazirliyi yanğın nəticəsində xəsarət alanların müalicələri ilə bağlı açıqlama verib
Bakı, 25 may, AZƏRTAC
Səhiyyə Nazirliyi Bakının Binəqədi rayonundakı yaşayış binasında baş vermiş yanğın nəticəsində xəsarət alanların müalicələri ilə bağlı bu gün açıqlama verib.
Nazirliyin mətbuat xidmətindən AZƏRTAC-a bildirilib ki, xəsarət alan şəxslərdən 10 nəfərinin müalicəsi hazırda 1 saylı Kliniki Tibbi Mərkəzin toksikologiya şöbəsində davam etdirılir. Onların 3-ü azyaşlı, 6-sı qadın və bir nəfəri kişidir. Müalicə alanların hər biri Səhiyyə Nazirliyi rəhbərliyinin daim nəzarəti altındadır. Nazirliyin səlahiyyətli nümayəndələri onlara vaxtaşırı baş çəkirlər.
Xəsarət alanları ixtisaslaşmış mütəxəssislər müalicə edir və onların həyatı üçün heç bir təhlükə yoxdur.