CƏMİYYƏT


Şəkərdən sui-istifadə müxtəlif növ xəstəliklərin inkişafına kömək edə bilər

Bakı, 10 avqust, AZƏRTAC

ABŞ-ın Texas Universitetinin alimləri şəkərdən sui-istifadənin xərçəngin müxtəlif növlərinin inkişafına təkan verdiyini bildiriblər. Aparılan tədqiqatların nəticəsində bəlli olub ki, şişlər qlukozanı orqanizmin bütün hissələrinə yaymaq məqsədilə istifadə edirlər.

AZƏRTAC Medikforum saytına istinadla xəbər verir ki, alimlər fiziki aktivlik və ya hərəkət zamanı insanın orta şəkər normasının 80 qram olduğunu müəyyən ediblər. Bu miqdara şəkərlə bərabər şəkərtərkibli və un məmulatları da aiddir. Bundan əlavə elm adamları şəkərdən tamamilə imtina etməyin əzələ sistemi və beynin fəaliyyətinə mənfi təsir göstərəcəyi səbəbindən düzgün seçim olmadığını da bildiriblər. Şirin çayın yorğunluq, əsəbi gərginlik, baş ağriları zamanı müsbət təsir göstərdiyi də xüsusi vurğulanıb. Eyni zamanda həkimlər onu da qeyd ediblər ki, ağır xəstəliklər, artıq çəki və passiv həyat tərzi zamanı şəkərdən sui-istifadə orqanizmə zərər verə bilər. Artıq çəkili insanların şəkəri yalnız müəyyən dozalarda istifadə etmələri gərəkdiyi bildirilib. Şəkərin qədərindən artıq istifadəsi yaşlılarda qanda xolesterin miqdarının artmasına səbəb olur ki, bu da ürək-damar sistemi xəstəlikləri və ya şəkərli diabetlə nəticələnə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.