RƏSMİ SƏNƏDLƏR


Şəki Apellyasiya Məhkəməsi hakimlərinin təyin və azad edilməsi haqqında
Azərbaycan Respublikası Milli Məclisinin Qərarı

Azərbaycan Respublikası Konstitusiyasının 95-ci maddəsinin I hissəsinin 10-cu bəndinə, 132-ci maddəsinin II hissəsinə, “Məhkəmələr və hakimlər haqqında” Azərbaycan Respublikası Qanununun 94-cü maddəsinin ikinci hissəsinə və 97-ci maddəsinin ikinci hissəsinə uyğun olaraq, Azərbaycan Respublikası Prezidentinin təqdimatına əsasən Azərbaycan Respublikasının Milli Məclisi qərara alır:

1. 2017-ci il iyulun 16-da səlahiyyət müddəti bitən İnşallah Fərrux oğlu Quliyev Şəki Apellyasiya Məhkəməsinin hakimi təyin edilsin.

2. 2017-ci il iyulun 28-də səlahiyyət müddəti bitən aşağıdakı hakimlər Şəki Apellyasiya Məhkəməsinin hakimləri təyin edilsinlər:

Mübariz Dosməmməd oğlu Əkbərov,

Mirbahəddin Mirdamət oğlu Hüseynov.

3. Vidadi Kamal oğlu Qasımov vəzifəsinin dəyişdirilməsi ilə əlaqədar Şəki Apellyasiya Məhkəməsinin hakimi vəzifəsindən azad edilsin.

4. Bu Qərarın 1-ci bəndi 2017-ci il iyulun 16-dan, 2-3-cü bəndləri 2017-ci il iyulun 28-dən qüvvəyə minir.

Azərbaycan Respublikası
Milli Məclisinin Sədri                 O.Əsədov

Bakı şəhəri, 30 iyun 2017-ci il.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin