REGİONLAR


Şəki Beynəlxalq Teatr Festivalında İqor Klyuçnikin “Piy” tamaşası oynanılıb

A+ A

Şəki, 17 sentyabr, Mustafa Dadaşov, AZƏRTAC

Uğurla davam edən “Üç məkan” II Şəki Beynəlxalq Teatr Festivalının üçüncü günü Ukraynanın “Krasivıye svetı” teatrı tamaşaçılara İqor Klyuçnikin “Piy” tamaşasını təqdim edib.

Satirik məzmunlu tamaşa müxtəlif sosial məsələlərə - hakimiyyət və pul hərisliyi, televiziyaya və sosial şəbəkələrə aludəçilik, pis vərdişlərə meyllilik və digər problemlərə toxunur.

Tamaşada rolları teatrın aktyorları Artyom Vusik, İqor Klyuçnik, Denis Çmelyov, Sergey Babkin və Snejana Babkina oynayıblar.

Tamaşanın sonunda kollektivə Mədəniyyət və Turizm Nazirliyi və Şəki Şəhər İcra Hakimiyyəti adından hədiyyə təqdim olunub.

Sentyabrın 18-də Tbilisi Dövlət Dram Teatrının yaradıcı kollektivi tamaşaçılara V.Pşavelanın “Ev yiyəsi və qonaq” əsərini təqdim edəcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.