REGİONLAR


Şəkidə III beynəlxalq ənənəvi şirniyyat festivalı keçiriləcək

A+ A

Şəki, 11 iyul, Mustafa Dadaşov, AZƏRTAC

Şəkidə iyulun 20-də keçirilməsi planlaşdırılan III beynəlxalq ənənəvi şirniyyat festivalında iştirak etmək üçün indiyədək 24 şəhər və rayon qeydiyyatdan keçib. Bundan əlavə, indiyə kimi 15 xarici ölkədən 37 qonaq festivalda iştirak etmək üçün müraciət edib.

AZƏRTAC xəbər verir ki, bu məlumatı Azərbaycan Milli Kulinariya Mərkəzinin direktoru Tahir Əmiraslanov Şəkidə jurnalistlərə müsahibəsində bildirib.

Festival keçirməyin çox məsuliyyətli, eyni zamanda, çətin iş olduğunu vurğulayan Mərkəzin direktoru deyib: “Kənardan baxanda hər şey asan görünür. Əslində isə festival keçirərkən bütün məsələlərə - iştirakçıların yerləşdirilməsi, nəqliyyat məsələləri, onların təhlükəsizliyinin təmin edilməsi, sağlamlığının qorunması, bir sözlə, ən adi məsələlərə belə xüsusi diqqət yetirilməlidir”.

Builki festivalın da yüksək səviyyədə keçəcəyinə əminliyini bildirən T.Əmiraslanov deyib: “Çalışacağıq ki, festivalın keyfiyyətini ildən-ilə yüksəldək, iştirakçıların sayını artıraq və Şəkini dünyada şirniyyat paytaxtı, mərkəzi kimi tanıda bilək”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.