REGİONLAR


Şəkidə tütünçülük sahəsində 2 minə yaxın mövsümi işçi çalışır

Şəki, 30 may, Mustafa Dadaşov, AZƏRTAC

Şəki rayonunun təsərrüfatlarında tütün əkini kampaniyası müvəffəqiyyətlə başa çatıb. Cari mövsümdə rayonda 792 hektar sahədə tütün əkilib. Şəkili fermerlər bu il 461,5 hektar sahədə “Virciniya”, 56,5 hektar sahədə “Berley”, 274 hektar sahədə isə yerli tütün sortları yetişdirəcəklər.

Bu barədə AZƏRTAC-a şəhər icra hakimiyyətindən məlumat verilib.

Bildirilib ki, ənənəvi sahələrdən olan tütünçülüyün inkişaf etdirilməsi ilə bağlı həyata keçirilən tədbirlər kənd əhalisinin məşğulluğunun təmin edilməsinə də müsbət təsir göstərir. Belə ki, bu il Şəkidə tütün becərilməsi işlərinə 2 minə yaxın kənd sakini cəlb olunub.

Hazırda təsərrüfatlarda tütün əkinlərinə aqrotexniki qulluq işləri davam etdirilir.

Xatırladaq ki, 2016-cı ildə Şəki rayonunda 785 hektar sahədə tütün yetişdirilib, 2440 ton quru tütün istehsal olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.