REGİONLAR


Şəkili fermerlərə 40 min manata yaxın subsidiya ödənilib

Şəki, 16 iyun, Mustafa Dadaşov, AZƏRTAC

Cari ilin ötən dövründə Şəki rayonunda 2727 baş inək, camış və düyə süni yolla mayalandırılıb. Bu, ötən ilin müvafiq dövrü ilə müqayisədə 1225 baş çoxdur. Süni mayalama yolu ilə doğulan buzov və balaqların sayı keçən ilin eyni dövrü ilə müqayisədə 217 baş artaraq 1053 baş olub.

Bu barədə AZƏRTAC-a rayon Kənd Təsərrüfatı İdarəsinin mütəxəssisi Nazim Rəcəbov məlumat verib.

İdarənin təmsilçisi bildirib ki, cari ilin ötən dövründə Şəki rayonu üzrə 292 nəfər heyvan sahibinə süni mayalama yolu ilə alınmış 398 buzovun hər birinə 100 manat olmaqla, ümumilikdə, 39 min 800 manat məbləğində subsidiya ödənilib. Bundan əlavə, son iki ayda doğulan daha 231 baş buzov üçün 23 min 100 manat məbləğində subsidiya hesablanıb. Subsidiyalar Nazirlər Kabinetinin müvafiq qərarı ilə təsdiq edilmiş “Süni mayalanma yolu ilə alınmış hər buzova görə subsidiyaların verilməsi” Qaydasına əsasən verilib.

Nazim Rəcəbov bildirib ki, heyvanların süni yolla mayalandırılması heyvandarlığın cins tərkibinin yaxşılaşdırılmasına təsir göstərən mühüm amillərdəndir. Dövlət dəstəyinin göstərilməsi şəkili heyvandarların da bu sahəyə marağını xeyli artırıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.