REGİONLAR


Şəkinin Baş Zəyzid kəndində yeni məktəb binası tikilir

Şəki, 18 dekabr, Mustafa Dadaşov, AZƏRTAC

Şəki rayonunun Baş Zəyzid kəndində tam orta məktəb üçün 624 şagird yerlik yeni binanın tikintisinə başlanılıb.

AZƏRTAC xəbər verir ki, Təhsil Nazirliyinin sifarişi ilə inşa edilən üçmərtəbəli yeni məktəb binasının 2017-ci ilin sonunadək istifadəyə verilməsi nəzərdə tutulur.

Rayon təhsil şöbəsindən verilən məlumata görə, 2012-cı ildə bölgədə baş vermiş zəlzələ zamanı qəzalı vəziyyətə düşən bu məktəb indiyədək uyğunlaşdırılmış binalarda fəaliyyət göstərib.

Ümumiyyətlə, təhsil müəssisələrinin maddi-texniki bazasının möhkəmləndirilməsi məqsədilə son illər Şəki rayonunda 25 yeni məktəb binası tikilib istifadəyə verilib və ya əsaslı təmir olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.