İQTİSADİYYAT


Sentyabrdan Gürcüstanda “Caspian Energy Georgia” şirkəti fəaliyyətə başlayacaq

Bakı, 11 may, AZƏRTAC

Sentyabrdan Gürcüstanda “Caspian Energy Georgia” şirkəti fəaliyyətə başlayacaq.

Bu barədə AZƏRTAC-a “Caspian European Club” və “Caspian American Club”un sədrinin birinci müavini və baş icraçı direktoru Telman Əliyev məlumat verib. O bildirib ki, “Caspian Energy Georgia” Gürcüstan ərazisində “Caspian European Club”, “Caspian American Club” və “Caspian Energy International Media Group”un mənafeyini təmsil edəcək.

Onun sözlərinə görə, bu şirkət Gürcüstan ərazisində əməkdaşlığı fəallaşdırmaq niyyətində olan Gürcüstan, Azərbaycan, Türkiyə və Qazaxıstan şirkətləri tərəfindən çoxsaylı müraciətlər nəticəsində yaradılır.

T.Əliyev qeyd edib ki, “Caspian Energy Georgia” Tbilisi və Batumidə biznes-forum, CEO lunch, treninq, seminar və dəyirmi masaların, illik “Caspian Energy Forum”un təşkili ilə məşğul olacaq. Bundan əlavə, ildə bir dəfə milli və beynəlxalq “Caspian Energy Award”, “Caspian Business Award”, “Caspian CEO Award” və “Brand Award” mükafatlarının təqdimetmə mərasimi təşkil olunacaq. Gələcəkdə Gürcüstanın iqtisadi inkişafına və investisiya cazibədarlığına həsr olunacaq ayrıca rüblük “Caspian Energy” jurnalının çapı planlaşdırılır.

“Caspian European Club Georgia” və “Caspian American Club Georgia”ya üzv olan bütün şirkətlər Azərbaycan, Qazaxıstan və Türkiyədə “Caspian European Club”, “Caspian American Club” və “Caspian Energy İnternational Media Group”un himayəsi altında keçirilən bütün tədbirlərdə ödənişsiz əsaslarla iştirak edə biləcəklər”, - deyə T.Əliyev bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.