DÜNYA


Seul merinin rəqəmsal kabineti: şəhər interaktiv sistemlə idarə olunur

Bakı, 20 iyun, AZƏRTAC

Koreya Respublikasının paytaxtı Seulun meri Pak Von Sun jurnalistlərə şəhərin idarə olunmasının yüksək texnologiyalı interaktiv sistemini (Seoul Live) təqdim edib.

AZƏRTAC TASS informasiya agentliyinə istinadla xəbər verir ki, sistemi həm kompüter “siçanı”nın, həm də səs və jestlərin köməyi ilə idarə etmək olur. O, real vaxtda yol-nəqliyyat hadisəsi, yanğın, yollardakı vəziyyət, hava və suyun keyfiyyəti, bazar və mağazalarda qiymətlərin səviyyəsi barədə məlumatları əks etdirir, hətta KİV-in monitorinqini aparır. İnformasiya hər 10 dəqiqədən bir yenilənir.

Sistem, həmçinin məsul şəxslərlə operativ və birbaşa əlaqə qurmağa və onlara tapşırıqlar verməyə imkan yaradır. Bundan əlavə, rəqəmsal kabinetin köməyi ilə küçələrdəki videomüşahidə kameralarına qoşulmaq və vəziyyəti canlı olaraq izləmək mümkündür.

Mer jurnalistlərə sistemin praktik olaraq necə işlədiyini də göstərib. Onun sözlərinə görə, artıq bu sistemdən dövlətin idarə olunmasında istifadə etmək, gələcəkdə isə onun digər ölkələrə ixracını həyata keçirmək məsələsinə baxılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.