SİYASƏT


Seulun Yonqsan rayonu ilə Bakının Qaradağ rayonu əməkdaşlıq əlaqələri qurur

Bakı, 7 iyun, AZƏRTAC

Koreya Respublikasının paytaxtı Seulun Yonqsan rayonu ilə Bakının Qaradağ rayonu arasında əməkdaşlıq əlaqələrinin qurulması məqsədilə Yonqsan Rayon İcra Hakimiyyətinin başçısı Sonq Çanq-hyonqun rəhbərlik etdiyi nümayəndə heyəti iyunun11-14-də Azərbaycanda səfərdə olacaq.

Azərbaycanın Koreya Respublikasındakı səfirliyindən AZƏRTAC-a bildiriblər ki, nümayəndə heyətinə Yonqsan Rayon İcra Hakimiyyətinin struktur rəhbərləri və rayon Ticarət Palatasının üzvləri, habelə Yonqsan ərazisində fəaliyyət göstərən şirkətlərin başçıları daxildir.

Səfər çərçivəsində ikitərəfli əlaqələrin genişləndirilməsi məqsədilə bir sıra görüşlərin keçirilməsi, Yonqsan və Qaradağ rayonları arasında əməkdaşlığa dair niyyət protokolunun imzalanması, koreyalı iş adalmaları üçün Azərbaycanda xarici investisiya imkanları mövzusunda təqdimatların keçirilməsi, iki ölkənin sahibkarlarının iştirakı ilə biznes forumlarının təşkili nəzərdə tutulub. Nümayəndə heyətinin üzvləri Azərbaycanın turizm potensialı ilə yerində tanış olmaq üçün bölgələrə də baş çəkəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.