MƏDƏNİYYƏT


“Sevgi şərbəti” Opera və Balet Teatrının səhnəsində

Bakı, 12 yanvar, AZƏRTAC

Yanvarın 21-də Azərbaycan Dövlət Akademik Opera və Balet Teatrında Qaetano Donisettinin “Sevgi şərbəti” operası təqdim olunacaq.

Teatrın mətbuat xidmətindən AZƏRTAC-a bildirilib ki, dünya opera sənətinin ən dəyərli nümunələrindən sayılan səhnə əsərində Sankt-Peterburqun Mixaylovski adına Teatrının solisti - vokalçıların beynəlxalq müsabiqələrinin laureatı Yuri Monçak iştirak edəcək.

Bununla yanaşı, rolları Opera və Balet Teatrının aparıcı solistləri Əməkdar artistlər Fərid Əliyev, İnarə Babayeva, Səbinə Əsədova və Cahangir Qurbanov canlandıracaqlar. Səhnə əsəri dirijor beynəlxalq müsabiqələr laureatı Əyyub Quliyev tərəfindən idarə olunacaq.

Qeyd edək ki, operanın ilk nümayişi 1832-ci ildə Milanda baş tutub. 2013-cü ildə isə sözügedən opera Azərbaycan Dövlət Akademik Opera və Balet Teatrında səhnəyə qoyulub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.