REGİONLAR


Şimal bölgəsinin məzunları biliklərini Xaçmaz şəhərindəki 3 mərkəzdə sınayacaq

Xaçmaz, 13 iyul, Elxan Yusifli, AZƏRTAC 

İyulun 14-də Dövlət İmtahan Mərkəzi (DİM) tərəfindən II və III ixtisas qrupları üzrə keçirilən qəbul imtahanlarında iştirak edən şimal bölgəsinin məzunları Xaçmaz şəhərində biliklərini sınayacaqlar.

AZƏRTAC xəbər verir ki, bu bölgədən olan, 2016/2017-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən 1305 məzun üç mərkəzdə - akademik Zərifə Əliyeva adına 8 nömrəli məktəb-liseydə, şəhər 9 nömrəli və Əzizəddin Tahirov adına Köhnə Xaçmaz tam orta məktəblərində imtahan verəcəklər.

DİM-in Xaçmaz regional bölməsindən bildirilib ki, imtahanlara 126 nəzarətçi müəllim, o cümlədən 11 imtahan rəhbəri cəlb olunub. İmtahan mərkəzlərində şagirdlərin sərbəst şəkildə biliklərini nümayiş etdirmələri üçün hər bir şərait yaradılıb. Binaların girişlərində təhlükəsizliyin və buraxılış rejiminin operativliyinin təmin edilməsi üçün stasionar metal axtaran aparatlar, imtahan iştirakçılarının şəxsiyyətinin müəyyən edilməsi üçün barkod-skanerlər quraşdırılıb.

İmtahanlar Xaçmazla yanaşı, Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan və Lənkəran şəhərlərində, ümumilikdə, 66 binada aparılacaq.

İmtahan saat 11:00-da başlayıb, 3 saat davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.