ELM VƏ TƏHSİL


Sinqapurun Milli Təhsil İnstitutunun məktəb rəhbərləri üçün təlimləri davam edir

Bakı, 10 may, AZƏRTAC

Bakıda Azərbaycan Respublikasının Təhsil İnstitutunun (Tİ) təşəbbüsü və UNICEF-in Azərbaycandakı nümayəndəliyinin dəstəyi ilə Sinqapurun Milli Təhsil İnstitutu (SMTİ) tərəfindən məktəb rəhbərləri üçün təlimlər keçirilir.

Tİ-dən AZƏRTAC-a bildiriblər ki, “Məktəb idarəçiliyi proqramı” üzrə təlimlər mayın 12-dək Təlim Təhsil İşçilərinin Peşəkar İnkişafı İnstitutunda davam edir.

SMTİ məktəb rəhbərlərinin və müəllimlərin hazırlığı, ixtisasartırma fəaliyyətinin inkişafı ilə məşğul olan təhsil qurumudur. Təhsildə geniş tədqiqat üzrə fəaliyyət göstərən bu qurum Sinqapurun regional təhsil mərkəzinə çevrilməsində əhəmiyyətli rol oynayıb. İnstitut əməkdaşlarının 83 faizi doktor, 15 faizi magistr, 2 faizi isə bakalavr ali təhsil dərəcəsinə malik mütəxəssislərdir. Qurum fəaliyyətini peşəkar kimi əlindən gələni etmək, insanyönümlü və kollegial olmaq və s. prinsiplər üzərində qurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.