DÜNYA


Sinxron rəqs edən robotlar “Ginnesin rekordlar kitabı”na daxil edilib

A+ A

Bakı,10 avqust, AZƏRTAC

Çinin Şandun şəhərində mindən çox robot “Ever Win” şirkətinin mütəxəssisləri tərəfindən meydanda sıra ilə düzülərək eyni anda rəqs ediblər.

AZƏRTAC nanonewsnet.ru saytına istinadla xəbər verir ki, hündürlükləri 43,8 sm təşkil edən “QRC-2” adlı robotlar bir mobil telefondan idarə olunublar. Xüsusi şifrələmə texnologiyası idarəetmə sistemini digər smartfonlardan gələn siqnalların müdaxiləsindən mühafizə edib.

Bununla da “Ever Win” şirkəti sinxron rəqs edən robotların sayına görə yeni dünya rekorduna imza atıb. Rəqs zamanı bəzi robotlarda texniki problemlər yarandığından yalnız 1007 mexaniki rəqqas “Ginnesin rekordlar kitabı”na daxil olunub.

Qeyd edək ki, sinxron rəqs edən robotların sayına görə ilk dünya rekordu (540 robot) Çinin robot istehsalçısı olan “UBTECH” şirkətinə aiddir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.