İDMAN


Şirvan Şəhər Polis Şöbəsinin təşkilatçılığı ilə mini futbol turniri keçirilir

Bakı, 19 iyun, AZƏRTAC

Şirvan Şəhər Polis Şöbəsinin rəhbərliyinin təşəbbüsü və təşkilatçılığı ilə Milli Qurtuluş Günü və Azərbaycan Polisinin yaranmasının 99 illiyi münasibətilə mini futbol turniri keçirilir.

Daxili İşlər Nazirliyinin mətbuat xidmətindən AZƏRTAC-a bildiriblər ki, Şəhər Polis Şöbəsinin komandasının da qatıldığı yarışda Şirvanın müxtəlif idarə, müəssisə və təşkilatlarını təmsil edən 8 komanda da qələbə uğrunda mübarizə aparır. Artıq yarımqruplarda mübarizə başa çatıb.

Oyunlarda polislər “Qarasu” və “Avromed” şirkətlərinin komandaları ilə qarşılaşıblar. Şirvan Şəhər Polis Şöbəsinin komandası birinci qarşılaşmada 3:0, ikinci görüşdə isə 4:1 hesabı ilə rəqibləri üzərində qələbə qazanıb.

Rayon ictimaiyyəti tərəfindən maraqla izlənilən turnir davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.