REGİONLAR


Şirvanda tikilən Gənclik Mərkəzində son tamamlama işləri görülür

A+ A

Şirvan, 12 avqust, Mahir Babayev, AZƏRTAC

Gənclər və İdman Nazirliyinin sifarişi ilə Şirvanda inşa olunan Gənclik Mərkəzinin tikintisi yekunlaşmaq üzrədir.

AZƏRTAC xəbər verir ki, şəhərin Naxçıvan küçəsində tikilən bina ikimərtəbəlidir. Burada gənclərin asudə vaxtının səmərəli təşkili üçün bütün imkanlar yaradılır. Binada sərgi salonu, kitabxana, kafe-bar, emalatxana, internet, iş, xidmət və məsləhət otaqları olacaq. Gənclik Mərkəzində mədəni kütləvi tədbirlərin keçirilməsi üçün 108 yerlik konfrans, kino və tamaşa, 35-40 yerlik “dəyirmi masa” zalları fəaliyyət göstərəcək. Binada havalandırma sistemi qurulub, ayrıca su, qaz, elektrik xətləri çəkilib.

Gənclik Mərkəzi bütün lazımi avadanlıq və inventarlarla təchiz olunacaq. Binanın həyətində də abadlıq və yaşıllaşma işləri görülür.

Milli memarlıq ənənələri ilə tikilən bina yaxın vaxtlarda yeniyetmə və gənclərin istifadəsinə veriləcək.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.