DÜNYA


“Skype” messencerində ötürülən faylların tutumu artırılıb

Bakı, 9 iyul, AZƏRTAC 

"Microsoft" şirkəti "Skype" internet telefoniya xidmətində faylların ötürülmə mexanizmində dəyişiklik edib. İndi faylı ötürən və qəbul edən istifadəçilərin faylların ötürülmə prosesinin sonunadək internetdə olmasına ehtiyac yoxdur. Bundan başqa, ötürülən faylların tutumu artırılıb.

AZƏRTAC “ictnews.az” saytına istinadla xəbər verir ki, "Skype" messencerinin son versiyası 300 MB tutumunda fayl ötürməyə imkan verir.

Proqramçıların sözlərinə görə, bu limit sınaqların nəticəsinə görə təyin edilib: bir tərəfdən messencer istifadəçilər üçün daha əlverişli olub, digər tərəfdən server həddən artıq yüklənmir.

"Skype" messencerində ötürülən faylın tutumu 100-dən 300 MB-dək artıb.

Hazırda internetdə olmayan istifadəçilərə də fayl göndərmək mümkündür. Sənədlər, foto və başqa bərkitmələr 30 gün ərzində "Microsoft"un serverlərində saxlanılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.