DÜNYA


Smartfonlar hava və ağrı arasında əlaqə olduğunu sübut edib

A+ A

Bakı, 14 sentyabr, AZƏRTAC

Smartfonların köməyi ilə on minlərlə insanın həyatını müşahidə edən alimlər belə qənaətə gəliblər ki, günəşli və yağışlı günlər həqiqətən xroniki ağrılara səbəb olur.

AZƏRTAC “ria.ru” saytına istinadən xəbər verir ki, Mançester Universitetindən Uilyam Dikson və onun həmkarları artıq doqquz aydır "Buludlu havadır, deməli, ağrı mümkündür" adlı eksperiment aparırlar. Onlar eksperiment çərçivəsində revmatizm, baş ağrıları və xroniki ağrı hisslərinin hava ilə bağlılığını araşdırırlar.

Britaniyalı həkimlər tərəfindən hazırlanmış xüsusi mobil proqram insandan daima onun əhvalını soruşur və bu məlumatları eksperiment iştirakçısının yaşadığı ərazinin havası ilə birlikdə alimlərə göndərir.

İlk təhlil göstərir ki, hava və xroniki ağrıların təzahürü tezliyinin arasında asılılıq həqiqətən mövcuddur. Məsələn, britaniyalılar fevral və apreldə daha az ağrı hissləri keçirirlər, çünki həmin vaxt yağışlı günlərin sayı az olur.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.