REGİONLAR


Son üç gündə Sumqayıtda mədə-bağırsaq pozuntusu əlamətləri ilə xəstəxanaya 119 uşaq daxil olub

Sumqayıt, 10 iyun, Ə.Rzayeva, AZƏRTAC

Son üç gündə Sumqayıt şəhər Uşaq Xəstəxanasına mədə-bağırsaq pozuntusu əlamətləri ilə 119 uşaq müraciət edib.

AZƏRTAC xəbər verir ki, bu barədə Səhiyyə Nazirliyi Respublika Gigiyena və Epidemiologiya Mərkəzinin direktoru vəzifəsini icra edən İmran Abdullayev məlumat verib.

O bildirib ki, həkimə müraciət edənlər 2-5 yaş arası uşaqlardır. Onların bir qismi ilkin tibbi yardım göstərilərək evə buraxılıb. Hazırda şəhər Uşaq Xəstəxanasında 54 uşağın müayinəsi davam edir. Yəqin ki, günün sonuna kimi onların da böyük əksəriyyəti evə buraxılacaq.

İ.Abdullayev, həmçinin qeyd edib ki, bütün uşaqlardan nümunələr götürülüb. Laboratoriyada nümunələrin nəticələri məlum olandan sonra dəqiq səbəblər açıqlanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.