ELM VƏ TEXNOLOGİYA


Sosial şəbəkələr uydurma xəbərlərlə mübarizə aparacaq

A+ A

Bakı, 17 sentyabr, AZƏRTAC

“Google” şirkətinin dəstəyi ilə həyata keçirilən “First Draft Coalition” layihəsi çərçivəsində “Facebook” sosial şəbəkəsi və “Twitter” mikrobloqlar servisi özlərində 30-dan çox media şirkətini birləşdirib. Ötən il icrasına başlanılan layihənin məqsədi sosial şəbəkələrdə uydurma xəbərlərin yayılması ilə mübarizə aparmaq və informasiyanın keyfiyyətini yaxşılaşdırmaqdır.

Təşkilatın idarəedici direktoru Cenni Sarcentin sözlərinə görə, platformanın oktyabrın sonunda istifadəyə verilməsi nəzərdə tutulur. Layihədə “Facebook” və “Twitter” ilə yanaşı, “New York Times” və “Washington Post” qəzetləri, “BuzzFeed News” nəşri, “AFP” agentliyi və “CNN” telekanalı iştirak edir.

Layihə müəllifləri şirkətlər üçün praktiki təlimat yazacaqlarını, media savadlılığının artırılması ilə məşğul olacaqlarını, eləcə də sosial şəbəkə istifadəçilərinin xəbərləri təsdiq və ya inkar etmələri üçün platforma işə salacaqlarını bıldırıblər.

Qeyd edək ki, “Facebook” və “Twitter” uydurma xəbərlərin yayılmasına görə dəfələrlə tənqid olunub.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.