İQTİSADİYYAT
Spirtli içkilərlə bağlı hüquqpozma halının qarşısı alınıb
Bakı, 9 oktyabr, AZƏRTAC
Gəncə Gömrük İdarəsinin gömrük hüquqpozmalarına qarşı mübarizə şöbəsinin əməkdaşları, üzərində Azərbaycan Respublikasının aksiz markası olmayan və qaçaqmalçılıq yolu ilə ölkəyə gətirilən spirtli içkilərin realizə olunmasının qarşısını alıblar.
Bu barədə AZƏRTAC-a Dövlət Gömrük Komitəsinin mətbuat xidmətindən bildirilib.
Əməliyyat tədbirləri nəticəsində Azərbaycan Respublikasının vətəndaşı, Gəncə şəhər sakini Zərgərov Sərhad Bəndalı oğlu saxlanılıb. Onun idarə etdiyi “VAZ-21074” markalı, 20-BN-960 dövlət nömrə nişanlı nəqliyyat vasitəsinin salonundan və yük yerindən Azərbaycan Respublikasının aksiz markası ilə markalanmamış 110 ədəd “Vodka TALKA” adlı 0,7 litrlik spirtli içki aşkar edilib.
Faktla bağlı araşdırma aparılır.