Bakı, 7 fevral, Nihad Budaqov, AZƏRTAC

Norveçin “Statoil” enerji şirkətinin 2016-cı ilin dördüncü rübündəki xalis mənfəəti 6 faiz azalaraq 1,66 milyard dollar təşkil edib.

AZƏRTAC şirkətə istinadla xəbər verir ki, “Statoil”un 2015-ci ilin müvafiq dövründəki mənfəəti isə 1,77 milyard dollar olub.

2016-cı ilin dördüncü rübündə “Statoil”un əməliyyatlar üzrə zərəri 2015-ci ilin eyni dövrü ilə müqayisədə 152 milyon dollar azalaraq, 1,89 milyard dollar təşkil edib.

Şirkət keçən il 23 kəşfiyyat quyusu qazıb. Qeyd edilən rübdə “Statoil”un kəşfiyyat xərcləri 607 milyon dollar təşkil edib. Şirkət 2017-ci ildə təxminən 11 milyard dollarlıq sərmayə qoyuluşu həyata keçirəcək.