CƏMİYYƏT


Stomatoloq-həkimlər “Dentist dünya simpoziumu”ndan qayıdıblar VİDEO

Bakı, 4 iyul, AZƏRTAC

Koreya Respublikasının paytaxtı Seulda dünyanın 30 ölkəsinin stomatoloq-implantoloqlarının iştirak etdikləri “Dentist dünya simpoziumu” keçirilib.

Simpoziumda Azərbaycanı 11 stomatoloq-implantoloqdan ibarət nümayəndə heyəti təmsil edib.

Stomatoloq-implantoloq Azər İsmayılov AZƏRTAC-ın müxbirinə müsahibəsində bildirib ki, simpoziumda əsasən tibbin son nailiyyətləri müzakirə olunub, implantologiya sahəsində mövcud problemlər və onların həlli yolları barədə təcrübə mübadiləsi aparılıb. Onun verdiyi məlumata görə, Koreya Respublikasında stomatologiya yüksək inkişaf səviyyəsinə çatıb. Yerli stomatoloqların həyata keçirdikləri diş implantları tam ağrısız və qeyri-travmatik prosedurdur. Bu baxımdan implantologiya sahəsində onların təcrübəsinin öyrənilməsinə ehtiyac var.

Ölkəmizdə iki ildir fəaliyyət göstərən “Odontos LTD” şirkətinin yardımı ilə simpoziumda iştirak edən Azərbaycan nümayəndə heyətinin üzvləri tədbirdə Koreya Respublikasının mütəxəssisləri ilə əməkdaşlıq sahəsində razılığa gəliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.