CƏMİYYƏT


Strasburq Universitetinin nümayəndələri Dövlət Neft və Sənaye Universitetində olublar

A+ A

Bakı, 14 sentyabr, AZƏRTAC

Fransanın Strasburq Universitetinin nümayəndələri - universitetin beynəlxalq əlaqələr şöbəsinin vitse-prezidenti Fransis Körn, layihə əlaqələndiricisi Ekart Hötzel və kimya fakültəsinin dekanı Jan Mark Plane Azərbaycan Dövlət Neft və Sənaye Universitetində (ADNSU) olublar.

Universitetdən AZƏRTAC-a bildiriblər ki, görüşdə rektor Mustafa Babanlı rəhbərlik etdiyi ali məktəbin beynəlxalq əlaqələrindən danışıb.

Qeyd edək ki, Strasburq Universitetinin nümayəndələri ADNSU-ya Fransız–Azərbaycan Universitetinin (UFAZ) açılışı ilə əlaqədar dəvət olunublar.

Qonaqlara ADNSU-da UFAZ üçün yaradılan şərait və burada tədris olunacaq proqramlar barədə məlumat verilib.

Söhbət zamanı iki universitet arasında əməkdaşlığın inkişaf perspektivləri müzakirə edilib.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.