İQTİSADİYYAT
Strateji Yol Xəritəsi: Tikinti sektorunda 10 minə yaxın yeni iş yerinin yaradılacağı proqnozlaşdırılır
Bakı, 26 dekabr, AZƏRTAC
2020-ci ilədək olan dövr üçün müəyyən edilmiş hədəflərin reallaşması nəticəsində Azərbaycanda 2020-ci ildə real Ümumi Daxili Məhsulun birbaşa 168 milyon və dolayısı ilə 81 milyon manatadək artacağı, tikinti sektorunda 10 minə yaxın yeni iş yerinin yaradılacağı proqnozlaşdırılır.
AZƏRTAC xəbər verir ki, bu barədə Azərbaycan Respublikasında uyğun qiymətə mənzil təminatının inkişafına dair Strateji Yol Xəritəsində deyilib.
Həmçinin bildirilib ki, bu istiqamətdə dövlət–özəl resursları hesabına 900 milyon manat həcmində investisiya qoyuluşu tələb olunur.