REGİONLAR


Sumqayıt şəhər Fikrət Əmirov adına Uşaq Musiqi Məktəbi 25 illik yubileyini qeyd edib

Sumqayıt, 23 dekabr, AZƏRTAC 

Sumqayıt şəhər Fikrət Əmirov adına Uşaq Musiqi Məktəbi 25 illik yubileyini qeyd edib.

Şəhər Mədəniyyət və Turizm İdarəsinin mətbuat xidmətindən AZƏRTAC–a bildirilib ki, bu münasibətlə məktəbdə bayram tədbiri keçirilib. Məktəbin direktoru Vasif Heydərov kollektivi yubiley münasibətilə təbrik edib, yeni yaradıcılıq uğurları arzulayıb.

Dahi Azərbaycan bəstəkarı Üzeyir Hacıbəylinin “Koroğlu” operasının uvertürası ilə başlanan tədbirdə müəllim Səriyyə Dünyamalıyeva məktəbin yaranması, fəaliyyəti və qazandığı nailiyyətlər haqqında məlumat verib.

Sonra məktəbin müəllim və şagirdləri maraqlı konsert proqramı ilə çıxış ediblər. Yubiley tədbiri Fikrət Əmirovun əsərlərinin səsləndirilməsi ilə başa çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.