REGİONLAR


Sumqayıtda polis veteranlarının iştirakı ilə 250-dən çox cinayətin üstü açılıb

Sumqayıt, 7 iyul, AZƏRTAC 

Ölkəmizdə polis veteranlarının təcrübəsindən, bilik və bacarıqlarından daha geniş və səmərəli istifadə edilir. Onların ictimai təhlükəsizliyin təminində, cinayətlərin profilaktikası və açılmasında, təqsirləndirilən şəxslərin axtarışı tədbirlərinin planlaşdırılmasında, şəxsi heyətin təlim-tərbiyəsində, peşəkarlıqlarının artırılmasında, əhali arasında hüquqi biliklərin təbliğində fəaliyyətləri güclənib.

Daxili İşlər Nazirliyindən AZƏRTAC–a bildirilib ki, Sumqayıt Şəhər Polis İdarəsinin Veteranlar Şurası Polis İdarəsinin şəxsi heyətli ilə sıx təmasda olur, gənc əməkdaşlarla mütəmadi görüşür, onlara öz məsləhətlərini və tövsiyələrini verirlər.

Belə ki, cari ilin 6 ayında veteranlar polis və şəhər Təhsil Şöbəsinin əməkdaşları ilə birlikdə şəhərin ümumtəhsil məktəblərində, liseylərdə və kolleclərdə gənclərin vətənpərvər ruhda böyümələri, zərərli vərdişlərə, narkomaniyaya və radikal dini qurumlara qoşulmalarının qarşısının alınması məqsədi ilə şagirdlərlə 43 görüş keçirib və maarifləndirici söhbətlər aparıblar.

Bu ilin birinci yarısında Sumqayıt Şəhər Polis İdarəsinin Veteranlar Şurasının üzvləri 253 cinayətin açılmasında yaxından iştirak ediblər. Səmərəli fəaliyyətlərinə görə veteranlardan bir neçəsi Sumqayıt şəhər və Polis İdarəsi rəhbərliyi tərəfindən mükafatlandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.