DÜNYA


Tailandda bərə qəzası nəticəsində həlak olanların sayı 18 nəfərə çatıb [YENİLƏNİB]

A+ A

Bakı, 19 sentyabr, AZƏRTAC

Tailandın mərkəzi hissəsində, Ayutthay şəhəri yaxınlığında çay bərəsinin qəzaya uğraması nəticəsində azı 18 nəfər həlak olub.

AZƏRTAC TASS informasiya agentliyinə istinadla xəbər verir ki, həyatını itirənlər arasında qadınlar və bir uşaq da var.

İnsident nəticəsində, həmçinin 10 nəfərdən çox insanın itkin düşdüyü bildirilir. Qəza yerində axtarış-xilasetmə işləri davam edir.

Qeyd edək ki, Çaoprayya çayında 150 nəfər sərnişin daşıyan bərə Banqkokdan 80 kilometr məsafədə körpü dirəyinə çırpılaraq batıb. Bərə dini mərasimdən sonra Ayutthay şəhərindən Banqkoka qayıdan müsəlmanları daşıyırmış.

Bərənin 67 yaşlı kapitanı polis tərəfindən saxlanılıb və ona qarşı təhlükəli idarəetmə və həddən artıq yüklənmiş gəmi ilə reysə çıxmaqla bağlı ittiham irəli sürülüb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.