MƏDƏNİYYƏT


Tanınmış jurnalist və ictimai xadim Vitali İqnatenkonun “Mənimlə və mənsiz” kitabı çap edilib

A+ A

Moskva, 4 noyabr, AZƏRTAC 

Tanınmış Rusiya jurnalisti və ictimai xadimi Vitali İqnatenkonun “Mənimlə və mənsiz” memuarlar kitabı Moskvanın “AST” nəşriyyatında çap edilib.

V.İqnatenko SSRİ prezidentinin mətbuat xidmətinin rəhbəri, Rusiya hökuməti sədrinin müavini, 1991-2012–ci illərdə TASS informasiya agentliyinin baş direktoru vəzifələrində çalışıb, dünya miqyaslı siyasi hadisələrin şahidi olub.

Kitabda müəllifin tanınmış siyasi xadimlər, qələmdaşları, dostları haqqında xatirələri yer alıb. Müəllif ön sözdə yazır: “Bu görkəmli insanları bir şey birləşdirir – onlar əsrlərin qovuşuğunda özləri dəyişmədən dünyanı dəyişməyə çalışırdılar”.

V.İqnatenko 2011-ci ildə Azərbaycan Prezidentinin Sərəncamı ilə “Dostluq” ordeninə layiq görülüb.

Kitabın təqdimatı noyabrın 11-də TASS agentliyində keçiriləcək.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.