ELM VƏ TƏHSİL


Tarix Muzeyində beynəlxalq layihə çərçivəsində tədqiqatlara başlanılıb

Bakı, 1 fevral, AZƏRTAC

Azərbaycan Milli Elmlər Akademiyasının (AMEA) Milli Azərbaycan Tarixi Muzeyinin arxeologiya fondunda “1951-1964-cü illərdə I Kültəpədə aparılmış qazıntılardan əldə edilmiş arxeoloji materialların yenidən işlənməsi və nəşri” beynəlxalq layihəsi çərçivəsində tədqiqatlara başlanılıb.

AMEA-dan AZƏRTAC-a bildiriblər ki, əvvəlki illərdə görülən işlərin davamı olan bu tədqiqatlar layihənin son mərhələsini təşkil edir.

Tədqiqat işləri əsasən arxeologiya fondunda mühafizə olunan I Kültəpə tapıntılarının ölçülərinin götürülməsindən, qrafik və foto təsvirlərinin çəkilməsindən, metal və obsidian alətlərin analizlərinin aparılmasından, eləcə də məlumatların dəqiqləşdirilməsindən ibarətdir.

Layihəyə AMEA-nın Naxçıvan bölməsinin şöbə müdiri, akademiyanın müxbir üzvü Vəli Baxşəliyev və Fransa Milli Araşdırmalar Mərkəzinin (FMAM) əməkdaşı, fəlsəfə doktoru Remi Berthon rəhbərlik edirlər. Layihənin iştirakçıları Naxçıvan Dövlət Universitetinin müəllimi Fizzə Quliyeva, FMAM-ın əməkdaşları Katerina Marro, Nikolas Qailhard və Marie Orangedir.

Tədqiqatlar fevralın 12-dək aparılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.