Tayvandakı güclü zəlzələ nəticəsində 188 nəfər xəsarət alıb
Bakı, 7 fevral, AZƏRTAC
Tayvanın şərqində Hualyan şəhərində baş vermiş zəlzələ nəticəsində azı 188 nəfər xəsarət alıb.
AZƏRTAC RİA Novosti agentliyinə istinadla xəbər verir ki, xilasedicilərin səylərinə baxmayaraq, Hualyan şəhərinin “Marshal” otelində xeyli insan təcrid olunmuş vəziyyətdə qalır. Zəlzələnin gücü 6,5 bal, yeraltı təkanların episentri 11 kilometr dərinlikdə olub.
KİV-lərin yaydığı məlumata görə, güclü yeraltı təkanlar nəticəsində azı beş bina dağılıb, 560 ev elektrik enerjisiz qalıb, körpülər zədələnib, yol örtüklərində, səkilərdə çatlar yaranıb.
Tayvanın Müdafiə Nazirliyi 100 nəfər hərbi qulluqçunu axtarış-xilasetmə əməliyyatı üçün göndərib, yaxın vaxtlarda onlara 250 əsgər də qoşulmalıdır.
Bölmənin digər xəbərləri
