Tbilisidə keçirilən “Uşaq Avroviziyası-2017”də Rusiya təmsilçisi qalib gəlib

26.11.2017 [22:49]
Çap et
A⁺ A^-

Tbilisi, 26 noyabr, AZƏRTAC

Noyabrın 26-da Tbilisidə keçirilən “Uşaq Avroviziyası-2017”də Rusiyadan olan iştirakçı Polina Boquseviç qalib gəlib.

AZƏRTAC xəbər verir ki, “Qanadlar” mahnısını ifa edən P.Boquseviç 188 bal toplayıb.

İkinci yeri 185 balla Gürcüstandan olan ifaçı Qriqol Kipşedze, üçüncü yeri isə 172 balla avstraliyalı İzabella Klark tutublar.

Beləliklə, “Uşaq Avroviziyası” gələn il Rusiyada keçiriləcək.

Tbilisidə keçirilən yarışmada 16 ölkənin - Gürcüstan, Rusiya, Avstraliya, Albaniya, Ermənistan, Belarus, İrlandiya, İtaliya, Kipr, Makedoniya, Malta, Niderland, Polşa, Portuqaliya, Serbiya və Ukraynanın təmsilçiləri iştirak ediblər.

Xətayi Əzizov

AZƏRTAC-ın xüsusi müxbiri

Tbilisi