SİYASƏT


Tehranda Xəzərin hüquqi statusunun müəyyənləşdirilməsi ilə bağlı xüsusi işçi qrupun iclası başa çatıb

A+ A

Tehran, 24 oktyabr AZƏRTAC

Oktyabrın 24-də Tehranda Xəzəryanı dövlətlərin xarici işlər nazirlərinin müavinləri səviyyəsində Xəzər dənizinin hüquqi statusu haqqında Konvensiyanın işlənib hazırlanması üzrə xüsusi işçi qrupun 47-ci iclası başa çatıb.

İki gün davam edən iclasda Azərbaycan, İran, Rusiya, Qazaxıstan və Türkmənistanın nümayəndələri Konvensiyanın bir sıra müddəalarını müzakirə ediblər. Dənizin dibinin və təkinin bölgüsü, gəmiçilik, o cümlədən hərbi gəmilərin dənizdə üzməsi, su bioloji resurslarının mühafizəsi və səmərəli istifadəsi kimi məsələlər əsas müzakirə mövzusu olub.

Xəzəryanı ölkələrin nümayəndələri danışıqların yekununu müsbət qiymətləndirərək İran hökumətinə bu görüşü yüksək səviyyədə təşkil etdiyinə görə təşəkkürlərini bildiriblər.

Xəzər dənizinin hüquqi statusu haqqında Konvensiyanın işlənib hazırlanması üzrə xüsusi işçi qrupun növbəti iclası Aşqabad şəhərində keçiriləcək.

İclasın keçirilmə vaxtı diplomatik kanallar vasitəsilə dəqiqləşdiriləcək.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.