DÜNYA


Tehranda terror hücumları nəticəsində həlak olanların sayı 17 nəfərə çatıb

Bakı, 8 iyun, AZƏRTAC

Dünən Tehranda törədilmiş terror hücumları nəticəsində həlak olanların sayı 17 nəfərədək artıb.

AZƏRTAC Tasnim agentliyinə istinadla xəbər verir ki, ilkin olaraq 13 nəfərin öldüyü, 52 nəfərin yaralandığı barədə məlumat yayılmışdı.

Xatırladaq ki, iyunun 7-də İranın paytaxtı Tehranda eyni vaxtda iki terror hücumu həyata keçirilib. İki terrorçu Ayətullah Xomeyninin türbəsinə soxulub. Onlardan biri özünü partladıb, digəri polis əməkdaşları ilə atışmada öldürülüb. Bundan əlavə, dörd nəfərlik qrup parlament binasına hücum edərək yuxarı mərtəbələrədək qalxıb. Hücum edənlərdən üçü xüsusi xidmət orqanlar tərəfindən öldürülüb, biri isə özünü partladıb.

Məlumatlara görə, həmin gün polis planlaşdırılan daha bir terror hücumunun qarşısını ala bilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.